Gehiengo garbia nahi du Masek galdeketa egiteko

BARTZELONA. Kataluniako presidente Artur Masek atzo esan zuenez, gehiengo subiranista «suntsiezina» dagoenean deituko ditu herritarrak autodeterminazioari buruzko galdeketa batera: «Horretarako urtebete gehiago itxoin behar bada, ez da ezer gertatzen, helburua nahikoa garrantzitsua delako; urte baten gorabeherarekin kezkatzeari utzi behar zaio».