Lacaton & Vassal-entzat Pritzker saria, «eraldaketaren aldeko arkitektoentzat»

ARKITEKTURA. Eraitsi ordez, eraiki, eta gastatu ordez, aurreztu. Pragmatismoaren eta nolabaiteko austeritatearen ikuskera horrek egin ditu ezagun Anne Lacaton (1955, Saint-Pardoux, Frantzia) eta Jean-Philippe Vassal (1954, Casablanca, Maroko) arkitektoak, 1987an Lacaton & Vassal estudioa abian jarri zutenetik —senar-emazte dira—. Parisen dute egoitza, eta Frantzian egin dituzte lan entzutetsuenak: Palais de Tokyoko eraikin publikoen berrikuntza, esaterako. Pritzker sariarekin «espiritu demokratikoa» aitortu nahi izan diote.