Txinak ukatu egin du milioi bat uigur atxilotuta dauzkala

PEKIN. Txinak ukatu egin du uigurrak berriz hezteko zentro sekretuak izatea. Nazio Batuen Erakundeko Arraza BazterketaEzabatzeko Batzordeak aurreko ostiralean jakinarazi zuen gutxienez milioi bat uigur dituztela atxilotuak doktrinatzeko zentroetan, «epaiketarik gabe, torturatuta eta betirako itxita». NBEk «txosten sinesgarriak eta ugariak» dituela zehaztu zuen. UigurrakXinjiang eskualdean bizi dira —hamabi milioi dira—, eta musulmanak dira. Txinako Giza Eskubideen Ekintzaileak taldearen arabera, iaz herrialdean atxilotutako lagunen %21 uigurrak ziren.

Txinako agintariek, baina, baztertu egin dute uigurrak atxilotze zentroetan izatea. Hu Lianhe Txinako Alderdi Komunistako Lan Departamentuko zuzendari nagusiaren hitzetan, «gezur hutsa» da hori, nahiz eta zehaztu duen «kanpaina berezi bat» egiten ari direla «muturreko terrorismoari»aurre egiteko: «Gobernuak inoiz ez du lotu terrorismoa erlijioarekin».