Frantziako Auzitegi Konstituzionalean da Areitioren kexa

PARIS. Alaitz Areitio Iurretako (Bizkaia) euskal presoaren kexa bat Frantziako Auzitegi Konstituzionalera iritsi da. Kasazio Auzitegian jarri zuen helegitea Areitiok, 2016tik ezin dutelako baldintzapeneko askatasuna eskatu «atzerriko naziotasuna» dutenek eta «terrorismoagatik» zigortutakoek. Oinarrizko eskubideak urratu daitezkeelakoan, Auzitegi Konstituzionalera igorri dute Areitioren helegitea.