Migratzaileak kaletik botatzeko «estrategia» salatu du SOS Arrazakeriak

BILBO. Bizkaiko SOS Arrazakeriak«Poliziaren presioari» egotzi dio asteazkenean Bilboko San Frantzisko kalean jazotako istiluen sorburua. Elkarteak azaldu du udaltzainek identifikatzeko eskatu ziotela kalean zegoen pertsona bati, «arrazoirik gabe, deliturik egin gabe». Pertsona horren kexen ondorioz Poliziaren oldarraldia hasi zela esan du. Udaltzainen jokabidea «estrategia politiko» baten ondoriotzat du SOS Arrazakeriak: uste du migratzaileak botatzea dela haien asmoa.