Libian gutxienez 74 lagun hil dira hondoratze batean
TRIPOLI.IOM Nazioarteko Migrazio Erakundearen arabera, gutxienez 74 migratzaile hil ziren atzo Libian, hondoratze batean. 120 lagunetik gora zihoazen itsasontzian. Bestalde, Open Arms ontziak 259 migratzaile erreskatatu ditu Mediterraneoan egunotan. Beste lau herenegun eraman zituzten ontzitik Italiara, helikopteroz, ospitale batean artatuak izan zitezen. Horien artean, zen sei hilabeteko haur bat, amarekin batera Italiara eraman zutena patera baten hondoratzean larri aurkitu eta ontzian suspertzea lortu ondoren. Baina ez zuen lortu ospitalera bizirik iristea. Harekin, sei dira erreskatatutakoen artean hildakoak.
Iruzkinak
Ez dago iruzkinik
Ordenatu