MEXIKO HIRIA. AEBetako eta Mexikoko gobernuek akordio bat sinatu zuten atzo, eta konpromisoa hartu zuten Erdialdeko Amerikako migrazio krisiari emango dioten erantzunean elkar ulertzeko. Kamala Harris AEBetako presidenteordea Mexikora joan zen herenegun, aurrez Guatemalan izan ostean, eta bisita horren barruan izenpetu zuten akordioa. Ondoren, bilera izan zuen Harrisek Andres Manuel Lopez Obrador Mexikoko presidentearekin.
Harrisek bezperan esandako hitzek polemika eragin zuten. Izan ere, AEBetako presidenteordeak Erdialdeko Amerikako herritarrei eskatu zien AEBetara ez joateko. Lopez Obrador berak ere kritikatu zituen adierazpenok, Harrisekin bildu aurretik: «Ziur nago [migrazioaren] erroko arrazoiei heldu behar diegula; hori da nire ikuspuntua».
Migrazio akordio bat sinatu dute AEBek eta Mexikok
Iruzkinak
Ez dago iruzkinik
Ordenatu