Loteriak 13 milioi eurotik gora utzi ditu Hegoaldean

GASTEIZ. Erregeetako loteriaren lehen, bigarren eta hirugarren sariek dirutza utzi dute Hego Euskal Herrian: 13 milioi eurotik gora. Diru gehien San Adrianen (Nafarroa) utzi du. Pelayo Sola kaleko establezimendu batean saldu dituzte bigarren zenbaki saridunari dagozkion 140 bat txartel; hau da, 10,5 milioi euro, gutxi gorabehera. Zenbaki hori 03.436 da.

Sari nagusiaren zenbakia 19.570 izan da, eta horren sail bat tokatu da Bilboko Zorrotza-Castrejana kaleko administrazioan, bi milioi euro pasa utziz. Donostiako Altza auzoko Feli tabernan ere tokatu zen sari nagusia (400.00 bat euro), eta hirugarrena (5.587 zenbakia), Lasarte Orian (Gipuzkoa).