Albistea entzun

Lau politikari independentista berriro epaituko dituzte

Epaimahai inpartzial batean epaituak izateko eskubidea urratu zieten 2020an, Auzitegi Gorenaren arabera
Lluis Corominas da berriro epaituko dituztenetako bat.
Lluis Corominas da berriro epaituko dituztenetako bat. ANDREU DALMAU / EFE Tamaina handiagoan ikusi

Berria -

2022ko azaroak 16

BARTZELONA. Espainiako Auzitegi Gorenak behartuta, Kataluniako Parlamentuko Mahaiko kide izandako Lluis Corominas, Anna Simo, Ramona Barrufet eta Lluis Guino politikari independentisten aurkako epaiketa errepikatu egin beharko du Kataluniako Justizia Auzitegi Nagusiak.

2017ko urriaren 1ean Kataluniaren independentziaren inguruan erreferenduma egin zutenean, parlamentuko mahaiko kide ziren laurak. Urte bat eta zortzi hilabeteko inhabilitazioarekin zigortu zituen Kataluniako auzitegiak 2020an, deskonexiorako legeak tramitatu eta eztabaidatu izana baimentzeagatik. Gorenak, ordea, epaimahai inpartzial bat izateko eskubidea urratu zietela ondorioztatu du. Epaiketako bi epailek independentzia prozesuaren inguruan zeukaten ikuspuntua aurretik publikoki azaldua zeukatelako urratu zitzaien eskubide hori, Gorenaren arabera.

Auzipetuek aurkeztutako helegitea onartu du, beraz, Gorenak. Ebazpenak bertan behera utzi ditu, eta beste epaile batzuek epaituko dituzte laurak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©KETTY MARCELO LOPEZ

«Perun hil egiten gaituzte; diktadura zibiko-militar batean bizi gara»

Mikel O. Iribar

Buruzagi indigenak azaldu duenez, Castilloren atxiloketa «bidegabeak» ez ezik, Perun duten krisi sozialak eta arrazakeriak ere eragin dituzte egungo protestak: «Ez dugu amore emango».
Peruko Kongresuak ez du onartu hauteskundeak abendura aurreratzea

Peruko Kongresuak ez du onartu hauteskundeak abendura aurreratzea

Ander Perez Zala

Hauteskundeak aurten egitearen alde agertu dira, egunotan, ordezkaritza duten alderdi gehienak, baina 54 parlamentarik egin dute alde, eta 68k kontra
<b>Sudango manifestari talde bat, armadak protesten kontra erabili duen indarkeria salatzeko mobilizazio batean, iazko ekainean, Khartumen.</b> ©ELA YOKES / EFE

Afrika eremu gatazkatsuagoa bihurtu da azken hamarkadan

Gorka Berasategi Otamendi

Kontinenteak zenbait hobekuntza egin ditu sustapen ekonomikorako alor batzuetan eta giza garapenean. Adituek ohartarazi dute azken urteetako lorpenak arriskuan daudela

Krisi politikoa eragin du Italian preso anarkista baten gose grebak

Mikel O. Iribar Arantxa Elizegi Egilegor

Alfredo Cospitok ehun egun baino gehiago daramatza protestan. 30 urteko zigorra du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.