Ahobizi. Euskarari eutsiko diote

2018ko azaroak 23

Euskara lehenetsiko dute, eta ahal den guztietan eutsiko diote euskarari. Beraz, ezinbestekoa da euskaraz hitz egiteko gaitasuna izatea. Baina ez da aski horrekin: ohiturak aldatzeko borondate irmoa eskatzen du ahobizi rolak. Ez da nahikoa oraingo euskarazko solasaldiei eustea: solaskideak euskara ulertzen badu, hala egin behar diote, nahiz orain arte erdaraz egin harekin. Argudio hau zabaldu dute: «Bi aldeek euskaraz ulertzen badute, ez dago euskaraz ez egiteko arrazoirik». 16 urte behar dira izena emateko.

Ezezagunekin zer egin, euskaraz hastea da konpromisoa; ulertzen badu, jarraitu, nahiz eta besteak erdaraz erantzun. Elkarrizketa elebidunak lirateke horiek.

Hizkuntza ohituretan aldaketa hori egiteko «giro babestua» emango dute Euskaraldiaren bitartez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna