MEXIKO HIRIA. Abortuaren aurkako zigorrak eteteko beste pauso bat eman zuen herenegun Mexikoko Auzitegi Gorenak. Magistratuek ebatzi zuten herrialdeko konstituzioaren aurkakoa dela estatuetako legediek «giza bizitza sortzearekin» hasten dela arautzea. Zehazki, Sinaloako Konstituzioaren aurka ebatzi zuten. Halere, jurisprudentzia ezarriko du ideia hori adierazten duten lege guztien aurkako helegiteetan.
Sinaloako legediaren arabera, «estatuak bizitzeko eskubidea zaintzen du norbanako bat sortzen den unetik». Horrek, ordea, «estatu laiko, plural eta demokratiko baten balioak lardaskatzen ditu», Alfredo Gutierrez Ortiz epailearen arabera: «Emakumeei eta haurdun daudenei gehiegizko karga bat inposatzen die».
Gorenaren erabakia asteartean ebatzitakoaren bidetik doa. Orduan, auzitegiak konstituzioaren aurkakotzat jo zuen abortatzeagatik zigortzea, Coahuila estatuko lege baten artikuluak ezabatzea erabaki zuenean.
Mexikon, abortua legeztatzeko beste pauso bat
Iruzkinak
Ez dago iruzkinik
Ordenatu
