Turkiak erasoaldia hasi du gerrillari kurduen kontra

ISTANBUL. Turkiako Gobernuak PKK Kurdistango Langileen Alderdiaren adar armatu HPG Kurdistango Herri Defentsaren gerrillarien kontrako erasoaldia hasi zuen atzo Iraken menpeko Kurdistanen, «eraso terroristak» amaitzeko asmoarekin. Ankararen arabera, hemeretzi «terrorista» hil dituzte. HPGren gertuko hedabideek adierazi dutenez, bestalde, gerrillari kurduek Turkiako 28 soldadu hil dituzte.

Rudaw Irakeko Kurdistango kazetak kaleratu duenez, herritarrak keztatuta daude bonbardaketekin, eta ihes egiten hasi dira. Shiladze eskualdeko agintariek jakinarazi dute eskualdeak dituen 92 herrietatik zazpitan bakarrik bizi dela jendea. International Crisis Group think tank-aren arabera, 2015etik 1.047 pertsona hil dituzte eremuan, zibilak, gerrillariak eta polizia indarrak aintzat hartuta.