EAk urriaren 25ean egingo du alderdiko idazkari nagusia aukeratzeko bozketa

BILBO. Eusko Alkartasunako hauteskunde primarioak kudeatu behar dituen Hauteskunde Antolaketa Batzordeak atzo zehaztu zituen prozesu horretako datak: irailaren 30ean, afiliatuei jakinaraziko diete zer hauteskunde erroldatan dauden, eta urriaren 14an izendatuko dituzte hautagaitzak. Urriaren 15etik 24ra bitartean kanpaina egingo dute, eta 25ean izango da idazkari nagusia aukeratzeko bozketa.