Sinn Feineko Andersonek ezin du Bruselan segitu

2020ko urtarrilak 18

ESTRASBURGO. Sinn Feinek eurodiputatu bat lortu zuen iaz Ipar Irlandan Europako Parlamenturako hauteskundeetan: Martina Anderson. Aurreko legegintzaldian ere egon zen legebiltzarrean, eta zazpi urte osatu ditu denera. Atzo egin zuen azkeneko hitzaldia, brexit-aren eraginez kargua utzi beharko duelako urtarrilaren 31n. Gogor jo zuen Erresuma Batuaren aurka: «Ipar Irlandako herritarren borondatea ez errespetatzeagatik botako naute Europako Batasunetik». Parlamentuak ebazpen bat onartu zuen Ostiral Santuko akordioak babesteko, eta bertan dago jasota Ipar Irlandako bizilagunek aukera daukatela irlandarrak direla esateko. Brexit-ak ez lieke eragingo horregatik, baina Erresuma Batuko auzitegiek ebatzia dute Ipar Irlandako herritarrak ez direla irlandarrak, ingelesak baizik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna