MADRIL. EAren primarioak errepikatzeko aginduaren aurkako helegiteak aztertuko ditu Espainiako Auzitegi Gorenak, tramiterako onartu baititu. Beraz, baliteke errepikatzeko agindu zuen probintzia auzitegiaren epaia baliogabetzea. Azaroaren 20an, ezohiko XIV. Biltzar Nazionalak Eba Blanco hautatu zuen EAko idazkari nagusi. Aurretik ere horixe bera egin zuen biltzarrak, otsailean, baina alderdiko sektore kritikoak, Maiorga Ramirez buru dela, auzitara eraman zuen prozesua. Gasteizko auzitegiak aintzat hartu zuen kritikoen salaketa, eta primarioak berriz egiteko agindu zuen.
Blancok gogor salatu du, ohar batean, «alderdia txikitzen ari den sektore bat» badela. «Anbizio pertsonalarengatik ari da, Euskal Herrian denek dakiten moduan; honek ez du zerikusirik politikarekin».
EAren primarioak errepikatzeko agindua, ezbaian
Iruzkinak
Ez dago iruzkinik
Ordenatu
