Alkartasun Eguna egingo du EAk igandean Zumaian

ZUMAIA. EAk Alkartasun Eguna egingo du etzi Zumaian (Gipuzkoa). Asteburu osorako egitaraua prestatu dute: larunbatean, Gazte Abertzaleek batzarra egingo dute (10:00), eta Demokrazia auzipean izeneko hitzaldia antolatu dute 17:00etarako. Igandean, ekitaldi politikoa egingo dute Eusebio Gurrutxaga plazan (12:00). Joseba Gezuraga jarduneko idazkari nagusiak hartuko du hitza.