Sei preso Euskal Herriratu, eta bat hurbilduko dute

Sareren martxa, Bilbon. A. LOIOLA / FOKU Tamaina handiagoan ikusi

2021eko irailak 1

MADRIL. Espainiako Gobernuko Espetxe Erakundeek jakinarazi dute sei euskal preso Euskal Herriratuko dituztela eta beste bat hurbilduko dutela. Basauriko espetxera ekarriko dituzte lau preso. Asier Rodriguez da horietako bat; Sorian dago, 260 kilometrora, eta 2025ean beteko ditu zigorraren hiru laurdenak. Ibai Aginaga ere presondegi berera eramango dute, El Duesotik (170 km); 2017an bete zituen hiru laurdenak. Guillermo Merino, berriz, Zaragozatik (345 km) eramango dute Basaurira; 2019an bete zituen hiru laurdenak. Era berean, Jose Angel Lerin ere Basauriko kartzelara ekarriko dute; hura ere Zaragozan dago preso. 25 urteko zigorra betetzen ari da. 2025eko ekainean beteko ditu hiru laurdenak.

Beste bi preso, berriz, Zaballara ekarriko dituzte. Jon Etxeberria da bat; El Dueson (170 km) zegoen orain arte. Iosu Ordoñez ere espetxe berean izango da, Topastik (460 km) Euskal Herriratuta. Azkenik, Imanol Miner Dueñastik El Duesora gerturatuko dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna