MIARRITZE. Agnes Pannier-Runacher Frantziako Ekonomia estatu idazkaria Miarritzen (Lapurdi) izan zen atzo, hainbat saltokitako jabeekin eta zenbait auzapezekin, eta agindu zuen 350.000 euroko diru sail bat izango dela eskuragarri «berehala», G7koen goi bilerak saltokietan eragindako kalte ekonomikoei aurre egiteko. Prozesua hamabost eguneko epean jarri nahi dute martxan, eta azaroaren 1erako amaituta egotea espero dute.
Bestalde, EH Baik G7koen aurkako kontragailurraren balorazioa egin zuen atzo, eta nabarmendu eragileen arteko harremanek «ekintza eta lan komunak garatzeko aukerak» ahalbidetu dituztela. «Errepresio gogorra»salatu zuten, eta «kapritxotzat» jo goi bilera.
G7agatik 350.000 euroren ordainak emango dituzte
Iruzkinak
Ez dago iruzkinik
Ordenatu
