Sei hilabeteko kondena G7koen garaiko atxilotuei

Berria -

2019ko irailak 10
AKIZE. G7koen goi bileraren egunetan atxilotu zituzten bi pertsona atzo epaitu zituzten Akizeko (Landak) epaitegian. Bi akusatuei zazpi arau hauste egotzi dizkiete. Epaileak, ordea, hiru baizik ez ditu onartu, beste gertakarientzako «frogarik» ez zelako. Bi radar kontrolen gainean pintaketak egin izana eta ACAB idatzi izana frogatutzat jo zuen epaileak, eta sei hilabeteko zigorra ezarri die, gibelapenarekin; hau da, ez dute kartzelara sartu beharko, baldin eta bi urteko epean ez badute beste auziren bat. Horrez gain, 894 euroko isuna pagatu beharko dute, eta «herritartasun ikastaro» bat egin beharko dute.

Gertakariak abuztuaren erdialdean gertatu arren, G7koen aurkako protestetan parte hartu nahi izatea leporatu die Fiskaltzak. Abuztuaren 24tik 26ra bitartean batzartu ziren G7koak, Miarritzen (Lapurdi), Poliziaren kontrol handien artean. Defentsak salatu duenez, «auzia ez da alor politikora eraman behar», eta oroitarazi du «epaitegi batean legeak aplikatu» behar direla.

Bestalde, Bizi plataformak salatu du Emmanuel Macron Frantziako presidentearen potretak hainbat herriko etxetatik kendu dituzten 11 aktibistek bost urteko zigorra eta 75.000 euroko isuna jaso dezaketela. Parisen eta Orleansen (Frantzia) iraganen dira aktibisten auziak, bihar eta ostiralean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: