David Pla etzi utziko dute libre, eta euroagindu bat ebatzi zain egongo da

ZIBURU. David Pla (Iruñea, 1975) euskal presoa etzi utziko dute aske, zigorra beteta. Osnyko (Frantzia) espetxean dago. Etzi bertan Ziburun (Lapurdi) harrera bat egingo diote, 20:00etan. 2015an atxilotu zuten, Baigorrin (Nafarroa Beherea), ETArekin lotuta. Espainiak eskatua duen euroagindu bat ebatzi arte kontrol judizialpean egongo da.