BRUSELA. NBE Nazio Batuen Erakundeak sustaturiko Migrazioaren Itunak kolokan jarri du Belgikako Gobernua. NBEko estatuak datorren astelehenean eta asteartean bilduko dira, Marrakexen (Marokon), uztailean adosturiko testua sinatzeko. Charles Michel Belgikako lehen ministroa akordioa sinatzearen aldekoa da, baina gobernu koalizioko N-VA Flandriako Aliantza Berria alderdi nazionalista hori egitearen aurka agertu zen herenegun. Azkenean, Belgikako Ordezkarien Ganberak atzo onartu zuen ituna sinatzearen aldeko testu bat, N-VAren kontrako botoekin.
Hala ere, bozketaren aurretik, N-VAren diputatu taldearen buru Peter De Roover jakinarazi zuen ez dutela gobernutik ateratzeko asmorik; beraz, badirudi, oraingoz, gobernuak bere horretan jarraituko duela. Horiek horrela, aurreikusita dago Belgika ere Marrakexen izatea; Bulgaria, aldiz, ez da han izango, gobernuak ez duelako ituna sinatuko, atzo adierazi zutenez.
Migrazioak kolokan jarri du Belgikako Gobernua
Iruzkinak
Ez dago iruzkinik
Ordenatu