GASTEIZ.Etxerat-ek Gasteizen duen egoitzaren kanpoaldean svastikak margotu zituzten herenegun goizaldean, eta euskal presoen, iheslarien eta haien senideen alde lan egiten duen elkarteak salaketa publikoa egin du. «Espainiar estatuan gaur egun pairatzen den inboluzio politikoaren testuinguruan ulertzen dugu gure egoitza seinalatzearena, ikur naziak marraztuz», nabarmendu du elkarteak, prentsa agiri batean. Gaineratu du bizikidetzaren eta konponbidearen bidean egindako lanari «oztopoak jarri eta ondoeza zein ezinegona sortzea» dutela asmo pintaketek.
Amnistiaren Aldeko eta Errepresioaren Aurkako Mugimenduak elkartasuna adierazi dio Etxerat-i: «Gaur egun Etxerat-ekin ditugun ezberdintasun ideologiko argiak alde batera gelditzen dira horrelako erasoak salatzeko orduan».
Etxerat elkarteak pintaketa faxistak salatu ditu
Iruzkinak
Ez dago iruzkinik
Ordenatu