Koronabirusa

Urkulluk eskatu du biderik ez emateko «espekulazioei»

Urkulluk zabaldutako irudia.
Urkulluk zabaldutako irudia. EAJ

Berria -

2020ko martxoak 26

GASTEIZ. Eusko Jaurlaritzako lehendakari Iñigo Urkulluk mezu bat argitaratu du bere Facebookeko kontuan, koronabirusaren krisiaren harira. «Espekulazioak» albo batera uzteko eta osasun arloko agintariek emandako irizpideei jarraitzeko eskatu du argitaratu duen idazkian: «Orain arte ongi oinarrituak, egokiak eta eraginkorrak izan dira. Ez da espekulazioetarako abagunea».

Testuan dioenez, «ahal den neurrian jarduerari eutsi egin behar zaio, ongizate estatuarekin zerikusia duten hainbat arrazoi direla medio». Urkulluk uste du jarduera guztiak eteteak «zaildu» egingo lukeela «herritarrei oinarrizko zerbitzuak eskaintzea». Halaber, nabarmendu du jarduera horrek «pertsonen segurtasun baldintzak» bete behar dituela.

Testuarekin batera, argazki bat ere argitaratu du Urkulluk bere kontuan, 1983an Aixerrotan (Getxo, Bizkaia) egindako Alderdi Egunarena. EGIko burukide gisa hitz egin zuen Urkulluk ordukoan. Ekitaldiak Saldremos adelante - Aterako dugu izan zuen goiburu, eta orain Urkulluk izenburu hori jarri dio testuari.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna