Bi preso Euskal Herriratuko dituzte, eta bost gerturatu

Oier Oa euskal preso ohia aske utzi zuten atzo eguerdian, herenegun lanera zihoala atxilotu ostean

Berria -

2020ko azaroak 27

DONOSTIA. Espainiako Espetxe Erakundeek jakinarazi dutenez, beste sei euskal preso lekualdatuko dituzte. Idoia Martinez Garzia Asturiastik Euskal Herrira ekarriko dute, eta Gasteizen beteko du zigorra, hirugarren graduan. Bestetik, Olga Comes ere Asturiastik Iruñekora ekarriko dute. Beste lau gerturatze ere iragarri dituzte: Joxe Javier Arizkuren Murtziatik (Espainia, 820 kilometro) Logroñora hurbilduko dute; Guillermo Merino, Valentziatik (Espainia, 600 kilometro) Zuerara; Joanes Larretxe, Herrera de la Manchatik Asturiasera; eta Jon Gurtubai, Puerto de Santamariatik (Espainia, 1.200 kilometro) Zaragozara. Etxerat-ek jakinarazi duenez, Jakes Esnal Lannemezango espetxera hurbildu dute; Esnal St Martin de Re (540 kilometro) espetxean zegoen.

Bestetik, atzo eguerdian aske gelditu zen Oier Oa Donostiako euskal preso ohia. Asteazken arratsaldean atxilotu zuen Frantziako Poliziak, Larresoro (Lapurdi) eta Baiona artean. Frantzian baimenik gabe sartzea eta Fijait arau hauste terroristen egileen Frantziako fitxategi judizial automatizatuaren neurriak ez errespetatu izana leporatu diote. Martxoaren 23rako deitu dute justiziaren aurrera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Manu Aierdi, iragan otsaileko prentsaurreko batean ©Iñigo Uriz / Foku

Gorenak diligentziak ireki ditu Manu Aierdi ikertzeko

Berria

Andres Palomo del Arco Goreneko magistratuak kaleratutako autoan ezartzen du haren edukia «ikertuari» bidaltzeko, eta Prozedura Kriminalaren legeko 118 artikuluaren arabera bere eskubideen berri eman diezaiotela.

'Proiektatu Iñioren aurpegia' ekimena, iaz, haren heriotzaren zortzigarren urteurrenean. ©Aritz Loiola / Foku

Cabacasen familiak NBEra joko du «justizia bila»

Maite Asensio Lozano

Espainiako Auzitegi Gorenak ez du «auziaren funtsa aztertu nahi» izan, Jone Goirizelaia abokatuak egindako balorazioaren arabera. 

Carlos Bardem aktore, gidoilari eta idazle espainiarra da sinatzaileetako bat. / ©PABLO MARTIN, EFE

Kultur eta hezkuntza munduko 30 pertsonalitatek presoen urruntzea amaitzeko eskatu dute

Edu Lartzanguren

Euskal Herriko, Herrialde Katalanetako eta Espainiako izenak daude sinatzaileen artean. «Iraganeko salbuespenezko logikak» gainditzeko eskatu dute.

Nafarroako Parlamentuko legebiltzarkide batzuk, gaur. ©Nafarroako Parlamentua

Presoak hurreratzearen alde egin du Nafarroako Parlamentuak

Berria

Geroa Baik, EH Bilduk, Ahal Dugu-k eta Ezkerrak aurkeztu dute mozioa, eta eskaera horrekin bat egin du PSNk; Navarra Sumak, berriz, kontra egin du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.