Albak Abaurrea salatu du, ostikada bat eman ziolakoan

IRUÑEA. Carmen Alba Navarra Sumako Iruñeko zinegotziak auzitara eraman du Joxe Abaurrea EH Bilduko zinegotzia, sanferminetako txupinazoan ostikadak ematea egotzita: «Balkoian nengoen, Abaurrea ikurrina ateratzen ari zela ikusi nuen, eta eutsi egin nuen [bandera]; orduan, ostikoka hasi zitzaidan», azaldu du Albak, eta gaineratu «ubeldura ugari» dituela hankan. Ikurrina «inposatu» nahia egotzi dio Albak EH Bilduri.