Itsasoan da 'Aita Mari' ontzia, Portugalen baimena lortuta

Ezin izango ditu erreskate lanak egin, baina «ospitale» gisa funtzionatuko du, migratzaileei botikak-eta banatuz

Erreskate ontzia Santurtzin, Portugalera bidean zenean, urtarrilean. M. RAMIREZ / FOKU.
2019ko apirilaren 14a
00:00
Entzun
LISBOA.Aita Mari erreskate ontzia Mediterraneorako bidean da, Portugalgo Gobernuaren baimena jaso ostean. Hiru hilabete geldirik egin ditu Euskal Herrian, Pasaiako portuan (Gipuzkoa), Espainiako Gobernuak baimenik ez diolako eman; urtarrilaren jaso zuen azkenengo debekua. A Coruñan (Galizia) egon ondoren, Lisboara joan zen gero, eta Portugalgo Gobernuaren baimena jaso zuen herenegun; Egeo itsasoko uharteetara nabigatzekoa eman dio, baina ezingo ditu erreskateak egin. Mediterraneoa zeharkatu nahi duten migratzaileak laguntzea du helburu ontziak. Herenegun eguerdian abiatu zen Greziako Lesbos uharteko porturantz. Aurreikuspenen arabera, bi aste barru iritsiko da. Han, «ospitale» gisa arituko da, errefuxiatuei osasun arreta ematen. Besteak beste, Euskal Herriko eta Galiziako herritarrek emandako botikak banatuko dituzte.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.