GASTEIZ. Garapenerako Lankidetzako Euskal Agentziak aurten 34 milioi euro bideratuko ditu garapenerako lankidetzako proiektuetara, atzo Nerea Melgosa Jaurlaritzako Gizarte Politiketarako sailburuak jakinarazi zuenez. Lanon helburua da desberdintasun sozialei aurre egitea eta diruz laguntzea «herrialde pobretuetako biztanleen bizi baldintzak hobetuko dituzten proiektu solidarioak». Maiatz bukaeran eginen dute deialdia garapenerako GKEentzat; hilabete izanen dute egitasmoak aurkezteko.
Hiru arlotan banatzen dira proiektuak: garapenerako lankidetzakoak; garapen produktiboko, prestakuntzako eta laguntza teknologikokoak; eta gizartea eraldatzeko hezkuntzari buruzkoak. Funtsen %10 emakumeen ahalduntzea eta genero desberdintasunak ezabatzeko lanetara bideratuko da.
Jaurlaritzak 34 milioi bideratuko ditu garapenera
Iruzkinak
Ez dago iruzkinik
Ordenatu