BASAURI. Mugimendu feministan, bakegintzan eta euskal presoen inguruan lanean ari diren hogei bat emakume bildu zituen Sarek atzo Basaurin (Bizkaia), emakume izateagatik euskal presoek eta haien inguru hurbilekoek jasaten duten «zama erantsiaz» hausnartzeko eta gaia lantzen ari den taldearen asmoak jakinarazteko. Bi gairen inguruan jardun zuten: batetik, preso dituzten emakumeen egoeraz eta bizi baldintzez , eta, bestetik, presoak zaintzeko lanean genero rolen banaketak duen garrantziaz. Topaketan hausnarketarako tartea ireki nahi izan zuten gaiaren inguruan, eta, horretarako, abian jarri dute Poltsa bete kontu izeneko egitasmoa. Apirilean aurkeztu zuten dokumentalaren trailerra. Euskal presoen zaintza lanetan aritu diren lau emakumeren esperientziak jasotzen ditu.Atzo eman zuten argitara lehenengo testigantza.
Topaketan, preso emakumezkoak urrunduago eta bakartuago daudela ohartarazi zuten Sareko arduradunek.
Emakumezko presoen «zama erantsiaz» gogoeta egin dute
Emakumeari eta kartzelari buruzko Sareren lantaldea 'Poltsa bete kontu' egitasmoaz aritu da Basaurin.
Iruzkinak
Ez dago iruzkinik
Ordenatu
