EAJ, «askatasun nazionala» lortzearen alde

BILBO. Igandean ospatuko den Aberri Eguneko ekitaldia eta adierazpena aurkeztu ditu EAJk, Bilbon, Mireia Zarate EBBko idazkariaren eta Aitor Esteban Espainiako Kongresurako Bizkaiko zerrendaburuaren bidez, eta esan du «herri honen askatasun nazionala» lortzeko lanean segituko duela. Aurtengo Aberri Eguna «hauteskundez jositako egutegi» batean dagoela adierazi du EAJk, eta Espainiako bozetan «jokoan» izango dela «aniztasun, tolerantzia eta normaltasun politikoa indartzeko beharra». Alderdi jeltzaleak Aberri Eguneko idatzian dio «gehiengo demokratiko nahikoa» sortu beharra dagoela, «gure herriaren proiektua bultzatzen jarraitu ahal izateko».