Albistea entzun

Aturri kolegioa arakatu du Frantziako Poliziak

Hiriburuko polizia operazioa.
Hiriburuko polizia operazioa. B. EDME Tamaina handiagoan ikusi

Berria -

2021eko urriak 22

HIRIBURU. Atzo goizean Hiriburuko (Lapurdi) Aturri kolegioko inguru osoa zerratu zuen Frantziako Poliziak, operazio bat eramateko. Izan ere, Baionako Prokuradoreak azaldu duenez, ikasle batzuek «bi gizon susmagarri» ikusi zituzten ikastetxera sartzen, «otoitz egin ondoan». Ikasleak eta langileak konfinatu zituzten; 700 bat ikasle egon ziren konfinatuta. Anartean, kezkatuta ziren gurasoentzat telefono zenbaki bat prestatu zuten, eta bertara joan zirenak Hiriburuko Ikea saltokiko aparkalekuan bildu zituzten.

Ikastetxea osoki miaturik, Frantziako Poliziak ez zuen nehor atzeman. Susmagarriak ziren bi auto leherrarazi zituzten ere, debalde. Izan ere, eztanda bat entzun da kolegio inguruan: prefeturak esan zuen eztanda «bi autoren inguruko susmoa argitzeko eginiko operazio baten ostean» gertatu zela, eta ez zegoela zauriturik, ez zutela inor topatu eta ez zegoela arriskurik. Halere, ikerketa ireki du fiskalak. Zehaztekoa da, herenegun, gisa horretako gertaeretara prestatzeko ariketa bat egin zutela ikastetxean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©KIKO HUESCA / EFE

«Gauzak aurrera begira egin behar dira, ez oraina salbatzeko»

Iosu Alberdi

Aizpuruak adierazi du Espainiakoak aurrekontu sozialak direla, baina gogoratu du salbuespenezko egoera batean onartuko direla. Orain, koalizio subiranista ikus-entzunezkoen legeari eta lan erreformari begira jarri da.
Jaurlaritzako eta EH Bilduko kideak, bien arteko bilera batean, azaroan. ©MARISOL RAMIREZ / FOKU

Akordioen atea ireki dute

Iosu Alberdi

Azpiazuk Eusko Jaurlaritzaren eta EH Bilduren arteko adostasunen «garrantzi politikoa» nabarmendu du. Iriarte hitz egiteko prest agertu da, «pertsonen bizi kalitatea hobetzeko» bada

Auzipetuak eta abokatuak, gaur, Bilbon eginiko agerraldian. ©JON URBE / FOKU

Auzipetuek «kezka» agertu dute zer epai etorriko ote den

Maddi Ane Txoperena Iribarren

Ondorio «pertsonaletatik» haratago, ez lukete nahi etortzekoa den sententziak «iraganeko parametroetara» eramatea: «Oso larria litzateke 13/13 auziak espetxe zigorrak ekarriko balitu». «Guztien konpromisoa» eskatu dute.

Pedro Azpiazu, gaur goizeko prentsaurrekoan. ©Irekia

Jaurlaritza eta EH Bildu pozik agertu dira lortutako akordioarekin

Iosu Alberdi

Ogasun sailburuak 2022rako kontuen «balio estrategikoa» nabarmendu du.Iriartek uste du ez direla«herriak behar dituen aurrekontuak».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.