Albistea entzun

Colonna preso korsikarra koman dago

Berria -

2022ko martxoak 4

MARSEILLA. Yvan Colonna preso korsikarraren egoeraz mintzatu ziren atzo Marseilla iparraldeko (Okzitania) ospitaleko medikuak, eta azaldu zuten Colonna koman dagoela; zehazki, esan zuten haren garunera ez dela oxigenorik iristen. Hori bai, ez zioten zauririk ikusi burmuinean, eta, beraz, medikuen iritziz, «datozen 36 orduak erabakigarriak» izango dira militante nazionalistarentzat.

Herenegun, Frantziako eta Korsikako hedabideek jakinarazi zuten Colonna larri zegoela, beste preso batek jipoitu ostean; erasotzailea jihadismoagatik zigortu zuten, eta atzo esan zuen «profetari birao egiteagatik» jo zuela militante nazionalista.

Terrorismoaren kontrako Frantziako ministerio publikoak ikerketa bat abiatu du, eta Justizia Ministerioak atzo esan zuen kasua argitu beharra dagoela.

Korsikako gobernuburu Gilles Simeoniren iritziz, Frantziako Estatua gertakariaren «errudun zuzena» da: «Hurbilketarako eskubidea aplikatu izan balute, gaurkoa [herenegungoa] ez zen gertatuko».

Colonna Arlesko (Okzitania) kartzelan ari da betetzen bizi guztiko espetxe zigorra, Claude Erignac prefetaren hilketagatik (1998) kondenatu baitzuten —DPS bereziki zainduriko estatusa du—; urteotan presoak behin eta berriz esan du errugabea dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Italiako parlamenturako hauteskundeen jarraipena. ©EFE

Europako eskuin muturrak beso zabalik hartu du Meloniren garaipena

Julen Otaegi Leonet

«Merezitako garaipena» lortu duela adierazi dute haren aliatuek. Bestalde, hauteskundeen emaitzak «tristeak eta kezkagarriak» direla adierazi du Yolanda Diaz Espainiako Gobernuko presidenteordeak.

Vladimir Putin Errusiako presidentea eta Alesandr Lukaxenko Bielorrusiakoa, gaur, Sotxin. ©EFE

Kazakhstanek eta Serbiak ez dituzte aitortuko Ukrainan okupatutako lurretako galdeketen emaitzak

Igor Susaeta

Errusiaren aliatuek eskatu diote Kremili errespetatzeko estatuen «lurralde batasunaren printzipioa». Putinen inguruko agintariek errekrutatzean gertatzen ari diren «hutsegiteak» salatu dituzte.

Giorgia Meloni FdI ultraeskuindarraren buruzagia, gaurko ordu txikietan, emaitzak ospatzen ©EFE

Ultraeskuindarrak buru dituen gobernu bat aldarrikatu du Melonik

Ander Perez Zala

Koalizio eskuindarrak irabazi ditu Italiako Parlamenturako bozak, botoen %44 inguru bilduta, behin-behineko emaitzen arabera. Abstentzioa inoizko handiena izan da: %36.

Oinezkoak Francisco de Paula Santander zubian, Kolonbiaren eta Venezuelaren arteko mugan. ©Rayner Peña R. / EFE

Berriro ireki dute Kolonbiaren eta Venezuelaren arteko muga, zazpi urteren ondoren

Maddi Iztueta Olano

2015ean igarobidea itxia izan ostean, orain lurreko eta aireko merkataritza trukeetarako erabili ahal izango da bi herrialdeen arteko muga. Kolonbiako gobernu aldaketak aukera eman du bi lurraldeen arteko harreman diplomatikoak leheneratzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...