GETXO. Bizkaiko 112 udalerrietatik 110etan hauteskunde zerrendak aurkezteko egindako «barne prozesua» amaitutzat eman zuen atzo EAJk, eta hautagaien aurkezpena egin zuen Getxoko Olatua eraikinean.
Elixabete Etxanobe Bizkaiko ahaldungaiak postu horretan egindako lehen ekitaldia ere izan zen atzokoa. «Aldundi sendo bat behar dugu, Bizkaia dinamiko, ekintzaile eta kohesionatu baten alde lan egingo duena. Gaurko arazoei eta biharko erronkei eraginkortasunez erantzungo diena. Gure ongizate ekonomikoaren eta kalitatezko enpleguaren alde lan egingo duen aldundi bat, pertsonarik ahulenak zaindu eta babestuko dituena», esan zuen Etxanobek.
Beste alderdiek ere egin zituzten hauteskunde kutsuko ekitaldiak. EH Bilduk Raul Lopez de Uralde Aguraingo alkategaia aurkeztu zuen, eta, ekitaldi horretan bertan, Eva Lopez de Arroiabe Arabako ahaldun nagusia izateko hautagaiak EAJri eta PSEri egotzi zien «gudu eremu» gisa erabili izana iheslariak hartzeko Aranako zentroa. «Erantzukizuna» eskatu zien.
EAJk bukatutzat jo du Bizkaiko zerrendak osatzeko prozesua
EH Bilduk EAJri eta PSEri egotzi die «guda eremu» gisa erabili izana errefuxiatuentzako Aranako zentroa.
Iruzkinak
Ez dago iruzkinik
Ordenatu