BAIONA. Gazte Koordinakunde Sozialistako kide bat atxilotu zuten iragan ostegun gauean, Itziarren (Gipuzkoa). Berehala, Martuteneko kartzelara sartu zuen Ertzaintzak, eta, erran dutenez, sei hilabeteko kondena bete beharko du. Gabi Daraspe Urruñakoa (Lapurdi) da, eta 2018ko ikasle greba baten harira izandako epaiketaren ondorioz sartu dute preso, Kontseilu Sozialistaren arabera.
Garai hartako auzian desordena publikoak egitea leporatu zioten, haren abokatuak BERRIAri jakinarazi dionez. Hala, Ipar Euskal Herriko KontseiluSozialistak eskatu du Daraspe «berehala» aske uzteko. Hain zuzen, horren aldarrikatzeko, manifestazioa eginen dute heldu den ostiralean, Baionako San Andres plazatik hasita, 19:00etan, Gabi askatu, amnistia osoa lelopean.
Gabi Daraspe libra dezatela galdetuko dute ostiralean
Martuteneko kartzelan sartu dute GKSko kide hori. Aske utz dezatela eskatzeko, martxa bat eginen dute Baionan
Iruzkinak
Ez dago iruzkinik
Ordenatu
