Albistea entzun

Nafarroan 106 lege onartu dituzte azken agintaldian

Berria -

2019ko apirilak 4

IRUÑEA. Nafarroako Parlamentuak agintaldi honetan 106 lege onartu ditu, Ainhoa Aznarez parlamentuko mahaiko presidenteak prentsaurreko batean emandako datuen arabera. Halaber, legebiltzarreko taldeek 8.213 ekinbide aurkeztu dituzte, aurreko legealdian baino 2.000 gehiago. «Lan asko egin da», esan du Aznarezek Iruñean, balantzea egitean.

Nafarroako Parlamentuko buruak nabarmendu du lau urte hauetan «desberdinen arteko akordioak» egin direla. Zehazki, balio handia eman dio Geroa Bairen, EH Bilduren, Ahal Dugu-ren eta Ezkerraren arteko adostasun mailari. «Aldeak alde, elkarrizketarako eta akordiorako gaitasuna eduki dute, herritarren ongizatea eta aurrerabidea bilatu ahal izateko». Lau indar politikoek eutsi diote, beren 26 parlamentariekin, Nafarroan duela lau urteko bozetan gertatutako aldaketari. «Jakin izan dugu ulertzen zer den lehentasuna jendearentzat».

Aznarez Ahal Dugu-ko kideak garrantzia eman die herri eragileek parlamentuan egindako agerraldiei ere. «Konkista sozial bat izan da». Esan du eragile batzuek lehen sekula ez zutela izan halako agerraldiak egiteko aukerarik. Alde horretatik ere, beraz, «aro berri baten hasiera» moduan jo du frankismoaren ondorengo IX. agintaldia. Parlamentuko araudia berritu ez izana da, harentzat, egiteke geratu zaien gauzarik garrantzitsuenetakoa.

Aznarezek uste du azkeneko lau urteek balio izan dutela «Nafarroari beste kolore bat» emateko, «[Yolanda] Barcinaren kolore grisetik» aldenduta. «Uste dut maiatzaren 26ko hauteskundeetan berriro izango dugula azken urteetako kolore hori».

Legealdi hauetan guztietan, mahaiko presidenteak beti kide berriak izan dira, inork ez baitio karguari heldu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.
Bakegileen agerraldi jendetsua, gaur, Hiriburun ©Guillaume Fauveau

Bakegileek mobilizazio fase berria abiatuko dute

Ekhi Erremundegi Beloki

Gatazkaren konponbidean aitzina egiten Frantziako Gobernuaren «borondatea falta» dela eta, desobedientzia zibilari ekingo diote. Urtarrilaren 8an Baionan eginen duten manifestazioa izanen da fase berriaren hasiera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.