Bi erakusketa San Telmon, 2019an: heriotzari buruzkoa eta robotei buruzkoa

MUSEOAK. Datorren urteko programazioa aurkeztu du Donostiako San Telmo museoak, eta, iragarri duenez, heriotzaren inguruko erakusketa bat —Heriotza. Ante la muerte, udaberrian— eta robotei buruzko beste bat —Hello, Robot. Diseinua gizakia eta makinaren artean, udan— izango dira ikusgai, besteak beste. Udazkenean erakutsiko dituzten aldi baterako erakusketen artean, berriz, Sistemen diseinua: Ulm Eskola eta Braunen diseinua eta Kiputz. Historiaurreko leize hilgarri bat erakusketak iragarri dituzte. 2018. urtearen balorazio ona egin dute arduradunek; urtea 135.000 bisitarirekin ixtea espero dute.