BILBO. Hilabete baino gutxiago falta da irailaren 16tik aurrera euskal presoen babes taldeetan aritzea egotzita auzipetutako 47 lagunen aurkako epaiketa hasteko, eta auzia salatzeko elkarretaratze bat egin zuten atzo, Bilboko udaletxearen aurrean, 47ak herrian lelopean. 19:30ean jarri zuten hitzordua, eta ehunka herritarrek egin zuten bat deialdiarekin.
Auzipetuek joan den astean deitu zuten atzoko elkarretaratzera, eta salatu zuten auzia «erabateko zentzugabekeria» dela «euskal gehiengo sozialarentzat». Sumarioa «presoen eskubideen aldeko lanaren aurkako prozesua» dela uste dute, eta azaldu lan horrek «bakearen eraikuntza eta elkarbizitza» dituela «oinarri».
Espainiako Auzitegi Nazionalean epaituko dituzte, eta fiskalak 602 urteko espetxe zigorra eskatu du guztira. Irailaren 14an, epaiketa hasi baino bi egun lehenago, manifestazio bat egingo dute Bilbon, eta «jendetsua» izatea espero dute. Izan ere, 12.000 herritarrek baino gehiagok bat egin dute auzipetuen aldeko agiri batekin.
11/13 sumarioa «zentzugabea» dela nabarmendu dute Bilbon
Ehunka lagunek elkarretaratze bat egin dute Bilboko udaletxe aurrean, 47 auzipetuei babesa adierazteko
Iruzkinak
Ez dago iruzkinik
Ordenatu
