Postuei eustea nahi dute, hiru eskolak bat egin ostean

DONOSTIA. ELAk eta CCOOk enpresei, patronalari eta Eusko Jaurlaritzaren Hezkuntza Sailari eskatu diete Donostiako Santa Teresa, Larramendi eta Jesuitina itunpeko ikastetxeetako lanpostuei eusteko. Hiru ikastetxe horiek bat egin dute, eta ikasgelen kopurua murriztu egingo da hurrengo ikasturteetan. Ikasgelen murrizketen ondorioz, zenbait langile kaleratuko dituzten kezka agertu dute bi sindikatuek. 2023-2024ko ikasturtean egingo dute bateratze prozesua, 0 eta 3 urte arteko ikasgeletan. Datozen ikasturteetan, hurrengo mailetan eragingo du bateratze horrek. Sindikatuek salatu dute duela gutxira arte ez dutela informaziorik izan, eta gardentasuna falta izan dela. Sindikatuek enpresei adierazi diete ez daudela ados hartutako erabakiekin. Lanpostuak eta lan baldintzak bermatzea exijitu dute, eta elkarrizketak aktibatzea. Sindikatuak bihar biltzekoak dira enpresarekin. Prozesua salatzeko asmoz, elkarretaratze bateratu batera deitu dute sindikatuek gaurko, 13:45ean, Larramendi ikastetxeko atarian.