HONDARRIBIA. Ertzaintzak hamalau lagun zigortu ditu irailaren 8an Hondarribian (Gipuzkoa) izandako istiluen harira. Jaizkibel konpainia parekideak azken urteetako egoera gogorrenean desfilatu zuen, haren aurkako mezu eta plastiko beltz artean. Ertzaintzak ez zuen esku hartu unean bertan, nahiz eta Jaizkibelek eskatu, baina aldez alde grabatu zuen Kale Nagusia. EITBk azaldu duenez, hamalau laguni jarri die isuna, mozal legea erabilita. Jaizkibelen aurka jo zutenak ez ezik, tartean daude konpainia parekideko kideak ere, BERRIAk jakin duenez.
Hondarribiko Emakumeak taldeak sare sozialetan jakinarazi du taldeko kide batzuei 600 euroko isuna jarri dietela, Jaizkibelen martxaren aurka plastiko beltzak ateratzeagatik, aurpegia estaltzeagatik eta oihuak egiteagatik; desfilea «asaldatzea» leporatu diete. Taldeak salatu du «adierazpen askatasunaren» aurkako isuna dela.
Azken urteetako jazarpenik handiena jasan zuen Jaizkibel konpainiak iraileko desfilean. Balorazio oso txarra egin zuen konpainiak, eta arazoari heltzeko eskatu zuen: «Beste aldera begiratzeari utzi behar zaio».
Hamalau laguni isuna ezarri diete alardeko istiluengatik
Ertzaintzak ipini ditu zigorrak, 'mozal legean' oinarrituta; Jaizkibel jazarri zutenei ez ezik, haren kide batzuei ere bai
Iruzkinak
Ez dago iruzkinik
Ordenatu