Iratxe Sorzabal Espainiaratzea onetsi du epaileak

Berria -

2019ko urriak 10
PARIS. Espainiako Auzitegi Nazionalak Iratxe Sorzabal euskal presoaren kontra aurkeztutako hirugarren euroagindu eskaera onartu zuen atzo Parisko Dei Auzitegiak. ETAk 1995ean Alacanten (Herrialde Katalanak) eginiko atentatu bategatik eskatu zuen Madrilek, presoa Espainian epaitzeko. Xantiana Cachenaut defentsa abokatuaren arabera, Sorzabalek 2001ean Guardia Zibilaren atxiloaldian torturapean egindako adierazpenetan oinarritzen da Madril akusazioa aurkezteko. Dei Auzitegiko fiskala euroagindu eskaera onartzearen alde agertu zen joan den otsaileko auzi saioan, eta epaileak ere antzera jo zuen atzoko deliberoan. Cachenautek iragarri du Kasazio Auzitegira joko dutela.

2015ean atxilotu zutenean, Sorzabalen tortura salaketak frogatzeko prozedura bat irekitzeko eskatu zion Cachenautek instrukzio epaileari. Istanbulgo Protokoloa ezarri, eta Sorzabalek mediku aditu baten azterketa izan zuen Fresnesko presondegian: Ā«Medikuaren arabera, Sorzabalen tortura salaketak sinesgarritasun osoa du; trauma osteko estresa antzeman zionĀ», azaldu zuen abokatuak. Epaileak, ordea, ebatzi du, Sorzabalen torturak frogatuak badira ere, horrek ez duela aldatzen aferaren mamia, Sorzabalek ez zituelako gezurtatu torturapean egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna