SENPERE. Lau lagun atxilotu zituen Frantziako Poliziak atzo goizean Senpereko inguruetan (Lapurdi). Etxe agentzietan izandako tindaketekin lotuta atxilotu zituzten. Baionako prokuradore Jerome Bourrierek BERRIAri baieztatu zion andeatzeak egitea eta mehatxu egin izana leporatzen dietela lau atxilotuei. Paueko (Okzitania) polizia etxera eraman zituzten. Atxilotuetako bat Senpereko hautetsia da, Senpere Bai talde abertzaleak jakinarazi duenez.
Atxiloketak salatzeko elkarretaratzea egin zuten Senperen, Utz gazteria bakean lelopean. EH Baik, Kontseilu Sozialistak, LABek eta Xuti Gazte dinamikak «berehala» askatzea galdegin dute. «Higiezinen espekulazioa» salatu dute: «Etxebizitzaren arloan bizi duen arazoari berehalako erantzun konkretuak atzeman ordez, Frantziako estatuak etorkizunaz kezkatuta agertzen den gazteria aktibo bat kriminalizatu nahi du». Bart iluntzean lau gazteek atxilo jarraitzen zuten oraindik. Iragan apirilean, ikerketa berarekin lotuta, beste lau gazte atxilotu zituzten.
Lau gazte atxilotu dituzte Senperen, tindaketak egotzita
Elkarretaratze jendetsua egin dute, gazteei babesa agertzeko eta «higiezinen espekulazioa salatzeko»
Iruzkinak
Ez dago iruzkinik
Ordenatu
