Mendebaldeko Sahararako mandatariak kargua utzi du, osasun arrazoiengatik

2019ko maiatzak 24

GENEVA. Horst Kohler NBE Nazio Batuen Erakundearen Mendebaldeko Sahararako mandatariak kargua utzi du, Antonio Guterres NBEren idazkari nagusiak atzo jakinarazi zuenez. Guterresen arabera, Kohlerrek osasun arazoengatik eman du dimisioa. 2017an hartu zuen postu hori, eta ia bi urteotan egin duen lorpenik handiena izan da Marokoko Gobernua eta Fronte Polisarioa birritan eseraraztea Mendebaldeko Sahararen estatusaz eztabaidatzeko. Adostasunik ez dute lortu, baina konpromisoa hartu dute berriz elkartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna