BILBO. Hauteskunde kanpainaren hasieran, Bizkaia Zero Zabor eta Zaldibar Argitu plataformek «hondakinen tratamenduari buruzko zenbait konpromiso hartzeko» eskatu zieten Eusko Legebiltzarreko hauteskundeetara aurkezten diren alderdiei. Orain, jasotako erantzunen berri eman dute elkarte ekologistek: esan dutenez, EH Bilduk, Elkarrekin Podemosek eta Equok bat egin dute haien proposamenekin. EAJk, PSE-EEk eta PPk, aldiz, ez diote haien eskaerari erantzun.
Zaldibarko hondamendiaren erantzukizuna argitzea, zabortegiak ikuskatzea eta haien kudeaketa eta kontrol publikoa ezartzea, eta errausketa edo isurketaren ordez, murrizketan, berrerabilpenean eta birziklapenean aurrera egingo duen Hondakinen Lege berri bat lantzea ziren Bizkaia Zero Zabor eta Zaldibar Argitu plataformek alderdiei helarazitako eskaera nagusiak.
Eusko Legebiltzarrerako hauteskundeak. Kanpaina
EH Bildu, EP eta Equo bat etorri dira ekologisten eskaerekin
Iruzkinak
Ez dago iruzkinik
Ordenatu