MADRIL. UPNko eta EAJko Madrilgo Kongresuko diputatuekin bildu zen atzo Jose Luis Abalos PSOEko antolakuntza idazkaria, Espainiako presidentetzarako inbestidura saiorako negoziazio sortaren harira. Aitor Esteban EAJko ordezkariarekin izan zen Abalos, eta, bileraren ostean, Estebanek ohartarazi zuen Pedro Sanchezek «oraindik» ez duela EAJren babesa. Lehen bilera hori «tenperatura hartzeko» baliagarria izan dela, eta elkarrizketarekin segituko dutela ere nabarmendu zuen Estebanek.
«Akordiorako bidean urratsak egiteko» negoziazioarekin jarraitzea hitzartu zuten Abalosek eta Estebanek, eta azken horrek PSOEko ordezkariari eskatu zion pentsio sistemaren, lan merkatuaren eta lurraldetasun politikaren auzietan esku hartzeko.
Bestalde, Abalos bera bildu zen UPNko diputatu Carlos Garcia Adanerorekin. Adanerok Abalosi ohartarazi zion PSNko Maria Txibite Nafarroako Gobernuko lehendakari izaten bada ez diotela Sanchezi beren babesa emango.
Inbestidura saioak. Espainiako Gobernua
Estebanek dio EAJk ez duela «oraindik» Sanchez babestu
Garcia Adanerok esan du UPNk ez duela Sanchez babestuko Nafarroan Txibite gobernura heltzen bada
Iruzkinak
Ez dago iruzkinik
Ordenatu