«Talde indartsua» osatu nahi du EAJk, industria eta enplegua babesteko

GASTEIZ. Aitor Esteban EAJko Bizkaiko zerrendaburuak esan du «talde indartsu bat» lortu nahi dutela Espainiako Gorteetan, «industria eta enplegua eta, horri lotuta, euskal herritarren interesak eta ongizatea defendatzeari begira». Esteban Gasteizen izan zen atzo, eta,«ziurgabetasun ekonomikoaren aurrean», oso garrantzitsutzat jo zuen «ahots propioa» izatea Madrilen.