GERNIKA-LUMO. Atzo egin zuten Bizkaiko Batzar Nagusiak osatzeko eta erakundeko mahaia eta presidentea aukeratzeko bilkura, Gernikako juntetxean, eta, saio horretan, Ana Otadui EAJko batzarkidea izendatu zuten Batzar Nagusietako lehendakari. Begoña Gil (PSE-EE) eta Zigor Isuskiza (EH Bildu) izango dira lehendakariordeak, eta Koldo Mediavilla (EAJ) eta Emilio Lobato (Elkarrekin Podemos) izango dira idazkariak. PP izango da mahaian ordezkaririk izango ez duen talde politiko bakarra.
Kargua hartu osteko hitzaldian, «bizkaitar eta batzarkide guztien» presidentea izateko asmoa adierazi zuen Otaduik.
Mahaiaren osaketarekin kritiko azaldu da Amaia Fernandez PPko batzarkidea; EAJri leporatu dio «aniztasuna blokeatzea, kontrolerako organoan PPren presentzia blokeatuta». Halaber, «ezker abertzalearen presentzia ahalbidetzea» egotzi dio, EH Bildu «normaltasunez» onartzeagatik. Fernandezek «kezkagarritzat» jo du EH Bildu mahaian egotea eta PP, aldiz, kanpoan geratzea.
Otadui hautatu dute Bizkaiko Batzar Nagusietako buru
PPk ez beste talde guztiek ordezkaritza izango dute mahaian. «Aniztasuna blokeatu» izana salatu du PPk
Iruzkinak
Ez dago iruzkinik
Ordenatu
