Albistea entzun

Landetak eta Lertxundik beren proposamenak aurkeztu dituzte

Datorren astelehenean egingo dira Euskadiko Futbol Federazioko hauteskundeak, biak hautagai direla

Berria -

2021eko otsailak 24

FUTBOLA. Astelehenean egingo dituzte Euskadiko Futbol Federazioko hauteskundeak, eta bi dira Luis Mari Elustondo ordezkatzeko hautagaiak: Javier Landeta eta Koikili Lertxundi. Biek azken egunetan jakinarazi dute beren hautagaitzetako kideak nortzuk diren, eta dituzten proposamenak.

Landetak atzo egin zuen, pandemiagatik prentsa ohar baten bidez. 11 proposamen nagusi jasotzen ditu. Euskal selekzioaren ofizialtasunaren gaia sortzen ari da ikusmin handiena hauteskunde hauetan, eta egun Leioako presidente dena «urrats sendoak» egitearen alde azaldu da, «lankidetzatik eta adostasunetik abiatuta». Euskara eta berdintasuna sustatzea, Gunuine liga bat sortzea, eta futbolarien eta entrenatzaileen baldintzak hobetzea ere proposatu du.

Euskara eta berdintasuna ere lehentasunen artean ditu Koikili Lertxundik. Herenegun eman zuen bere hautagaitzaren berri. Ofizialtasunaren bidean urratsak egiten segitzearen aldekoa da Athleticeko jokalari ohia, eta bide horretan badu proposamen bat: estaturik gabeko nazioen artean izaten diren txapelketetan parte hartzea, juridikoki eta politikoki egin daitekeen bidea indartzeko. Garrantzitsua iruditzen zaio, halaber, federazioak dituen eskumenak indartzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasuna Espainiako Kopako finalerdietara

Osasuna Espainiako Kopako finalerdietara

Ainara Arratibel Gascon

Gorritxoek luzapenean irabazi dute, eta 18 urteren ondoren balentria egin dute. Abdek sartu du gol erabakigarria. Festa betea izan da Sadarren.

 ©JAIZKI FONTANEDA / @FOKU

«Zesta-puntak dena eman dit, eta nik hari; bakean gaude»

Julen Etxeberria

Erabakia du: Winter Series izango da jokatuko duen azken txapelketa garrantzitsua. 25 urteko ibilbide oparoa amaituko du. «Itzela litzateke etxean txapeldun izanda agur esatea». Bidean dago: finalerdietan dago.
Athleticeko jokalariak, Lezaman, Valentziaren aurkako partida prestatzen. ©LUIS TEJIDO / EFE

Kanporaketa mugarri bat

Haritz Gallastegi

Athleticek bide onera itzuli nahi du Valentzian, Espainiako Kopako finalerdietarako sailkatuta

Sadarreko harmaila, Sevillaren kontrako partidaren hasieran. ©Nekane Marquez Espinal

Ikurrinak eta Nafarroako banderak atera dituzte Sadarren harmailetan

Julen Otaegi Leonet

Hainbat bazkide gorritxok bi banderak ateratzeko eskatu dute, duela bi asteko partidan «pairatu zuten debekuari» aurre egiteko. Orduan, deialdiaren antolatzaileek «haserre bizia» piztu zela azaldu dute.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...