EH Bilduk bilera sorta hasi du ezkerreko eragileekin, eta lehena UGTrekin egin du

BILBO. «Alternatiba progresista eraikitzeko» xedez, EH Bilduk bilera sail bat hasi du ezkerreko alderdiekin eta sindikatuekin, lehendabizi UGTrekin bilduta. «Egoerari buruzko diagnostikoak kontrastatzea» da haren asmoa; datozen egunetan Ahal Dugu, ELA, LAB eta CCOOrekin ere batzartuko da, eta PSE-EErekin harremanetan da. EH Bildu atzo elkartu zen EAEko UGTrekin, haren egoitza nagusian, Bilbon. Arnaldo Otegik, Maddalen Iriartek eta Unai Urruzunok osatu zuten haren ordezkaritza. UGTren buru, Raul Arza idazkari nagusia izan zen.