ZUZENDARIARI

Oporrak bakean

Barakaldo
2022ko ekainaren 15a
00:00
Entzun
Oporrak Bakean programaren deuseztapenaren ostean, aurten berriro abian jarriko da; gure herrietatik Saharar Herriaren ordezkapenik onenak ikusi ahalko ditugu, haur sahararrak hain zuzen ere. Asko gara Euskal Herrian zehar programa horren bitartez herri honen errealitatea deskubritu genuenak; horregatik, ekintza hau berriz ezartzeak alaitzen gaitu, are gehiago une honetan, Saharar Herriak inoiz baino gehiago behar gaituenean.

Niri dagokidanez, aurtengo harrera berezia izango da, aurrekoak anaia bezala bizitzeko aukera izan baititut, eta uda honetan, berriz, esperientzia beste abiapuntu batetik bizi izango dut: alabei pasako diet lekukoa eta haiek izango dira Oporrak Bakean programa biziki biziko dutenak; eta inportanteena: alabek bizitza osorako loturak sortuko dituzte. Borroka honetan murgilduta gaudenok argi dugu geure xedea dela udako programa horren desagertzea. Horrek ekarriko luke, batetik, Saharar Herriaren itzulera inbaditutako bere herrialdera, eta, bestetik, ez litzateke beharrezkoa izango Oporrak Bakean programa.

Oxala horrela izango balitz; hala eta guztiz ere, bitartean borrokan eta Saharar Herriari sostengua ematen jarraituko dugu, bai eta pertsona berdinen arteko loturak sortzen ere. Aurten familia harrera bazara, esperientziaz blaitu, eta, hala ez bada, hurrengo urtean itxarongo zaitugu, merezi du eta.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.