Amnistiaren Aldeko Mugimenduak (AAM) jakinarazi duenez, Antton Rouget eta Aintza Zufiaurre Segi gazte erakundeko kideak aske utzi dituzte gaur arratsaldean, sei eta erdiak aldera. Atzo arratsean atzeman zituen Frantziako Poliziak, Uztaritzen (Lapurdi), Frantziako bandera erretzea leporatuta, eta biak Baionako polizia etxean eduki dituzte.
AAMk "berriz ere, gogor salatu du euskal militantziaren aurkako jazarpena eta, bereziki, Ipar Euskal Herrian Polizia hedatzen ari den gazteen kontrakoa". Segiko kideen aurkako galdeketak "oso bortitzak" izan ohi direla adierazi du.
Gaur, operazioa salatzeko, 18:30ean elkarretaratzeak egin dituzte Uztaritzen eta Baionan.
Aske utzi dituzte Antton Rouget eta Aintza Zufiaurre Segiko kideak
Iruzkinak
Ez dago iruzkinik
Ordenatu
