Josu Erkoreka Eusko Jaurlaritzako bozeramailearen arabera, Artur Mas Generalitateko presidenteak hartutako bidea "geratzen zitzaien irtenbide gutxienetako bat" zen. Radio Euskadin egindako adierazpenetan esan du Kataluniako gizartea "tsunami bat bezala" datorrela; horren aurrean, ordea, Espainiako Gobernuaren jarrera kritikatu du.
Erkorekaren ustetan, Espainia "hasieratik deseroso" egon da gai horri dagokionez: "Rajoyk ez du izan gaitasunik, erreflexurik eta sormenik izan hor jarraitzen duen arazo bati irtenbidea emateko".
Jaurlaritzako bozeramaileak uste du gobernua "irtenbidean inplikatu" egin behar dela. "Arazoa hor dago oraindik, hasierako proposamena aurrera eraman ezin izan dutelako arazoa ez da itzali".
